Tarbiya – shaxsni maqsadga muvofiq yo‘naltirish uchun uyushtirilgan pedagogik jarayon bo‘lib, tarbiyalanuvchining shaxsiga muntazam va tizimli ta‘sir etish imkonini beradi. Tarbiya – tarbiyalanuvchi shaxsini oliy ijtimoiy qadriyat deb tan olish, har bir shaxs, o‘smir va yosh yigit – qizning betakror va o‘ziga xosligini e‘tiborga olish, amalda tarbiyaviy jarayon yaxlit va uzluksiz ishiga va turli yoshdagi tarbiyalanuvchilarni qamrab olishiga alohida ahamiyat berish lozim. Tarbiyani samarali yo‘lga qo‘yish uchun uning harakatlantiruvchi kuchini tarbiya jarayonining manbaini yaxshi bilish va hisobga olish muhimdir. Tarbiya jarayoni shaxsning muayyan maqsad asosida ijtimoiy hayotga tayyorlovchi, tarixiy-ijtimoiy tajribaga suyangan holda, olib boriluvchi faoliyat jarayonidir.