Avesto ("Apastak", "Ovisto", "Ovusto", "Abisto", "Avasto") - joriy qilingan qat'iy qoidalar, sanskrit tiliga yaqin o‘ziga xos (avesto tili) tilda yozilgan zardushtiylikning muqaddas kitobi. Adji - To‘rt tomoni teng bo‘lgan salb bo‘lib, tangrichilik dinining ramzi hisoblanadi. Adonay - Yahudiylikda ibodat vaqtida zikr qilinadigan Xudoning ismlaridan biri. Aron kodesh - Sinagogalarda “Tavrot” o‘ramlari saqlanadigan maxsus joy. Aziz - Isnod tabaqasining barchasida roviylari soni ikkitadan oz bo‘lmagan hadis. Assesment - Talabalarning bilimini nazorat qilishda qo‘llaniladigan texnikalardan biri. Axura mazda - (YUnoncha, Ormuzd) - donishmandlik sohibi, yaxshilik, ezgulik, yaratuvchanlik ibtidosi, yorug‘lik sohibi bo‘lib, yovuz Axriman va uning tarafdorlariga qarshi doimiy kurashda. Aqidaparastlik - (aqida – arab. – ishonch, biror narsani ikkinchisiga bog‘lash) muayyan sharoitda, biron-bir g‘oyaga qat’iy ishonch va uni mutlaqlashtirish asosida shakllangan qoida va tartiblarni hamda ularni sharoit, holat, vaziyatni hisobga olmagan holda, ko‘r-ko‘rona qo‘llash. Barashnum - Jasadni ko‘targan va yuvgan kishilarning uzoq vaqt davomida itlar yordamida amalga oshiriladigan poklanish marosimi. Bar-mitsva - (Ibr. “buyurilgan amrlar o‘g‘li”) – Yahudiylikda 13 yoshga to‘lgan o‘g‘il bola, balog‘at yo‘liga yetgan bayram.