Kiyim borasida turli qarashlar bor. Ayniqsa, bu sharq va g‘arb ma‘naviyatida yaqqol ko‘zga tashlanadi. Libos tanlash millat, din, irq, jins, yosh, kasb va hatto iqlimga ham bog‘liq. Muayyan kasb egalarining belgilangan libos kiyishi ma‘lum. E‘tibor qilinsa, inson yosh ulg‘aya borishi bilan nisbatan yopiq kiyimlarga ruju qo‘ya boshlaydi. Yoki iqlim sharoitlarini olaylik. Shimolliklar yopiq, issiq iqlim vakillari ochiq liboslarni tanlashadi. Libos inson tanasini bekitsin. Iboli qizlar ochiq kiyinmaydi, o‘zini begona ko‘zlardan himoya qiladi. Libos shaffof bo‘lmasin. To‘r kiyim tanani jozibali ko‘rsatadi. Kiyim o‘ta tor bo‘lmasin.