Qarshi muhandislik-iqtisodiyot instituti Neft va gaz fakulteti faollar zalida “Maʼrifat ulashib” loyihasi asosida elimizning ardoqli va taniqli adiblari bilan ijodiy uchrashuv boʻlib oʻtdi. Adabiy kechada Oʻzbekiston xalq yozuvchisi Muhammad Ali, Oʻzbekistonda xizmat koʻrsatgan madaniyat xodimi, shoir Bobur Bobomurod, Oʻzbekiston Yozuvchilar uyushmasi aʼzosi, shoir va tarjimon Humoyun adabiyot ixlosmandlari bilan muloqot qildilar. Adiblar bilan uchrashuv mushoira va adabiy gurunglarga boy boʻldi. Talabalar nafaqat mehmonlarning, balki oʻzlarining ham ijod namunalaridan oʻqib berdilar. Tadbir soʻngida poytaxtdan tashrif buyurgan adiblar ishtirokida “Yashil makon” loyihasi asosida daraxt koʻchatlari oʻtqazildi. Adiblar bilan uchrashuvlar tumanlarda ham tashkil etildi.