Aризачи фуқаро Н.Равшанов маъмурий судга ариза билан мурожаат қилди. Aризада Яккасарой тумани, Нукус кўчаси, 40-уйнинг 1/3 қисми унга 2016-йил 20-феврал куни берилган қонун бўйича меросга бўлган хуқуқ ҳақидаги гувоҳномасига асосан тегишли еканини, мазкур уйнинг 1/3 қисми ворислик ҳуқуқи асосида 4 кишига тегишли бўлганлигини, 02.02.2016 йилда Тошкент шаҳар хокимининг “Тошкент шаҳрининг марказий қисмида ободонлаштириш ва бузиш ишларини олиб бориш ҳақида”ги 23-сонли қарорига асосан Яккасарой тумани, Нукус кўчаси, 40-уй бузилганлигини маълум қилади. Aризада, шунингдек Ўзбекистон Республикаси Вазирлар Маҳкамасининг 29.05.2016 йилдаги 97-сон қарорига асосан бузилиш ҳудудига тушган ҳудудлардаги уй-жойлар ўрнига турар жойлар берилиши хақида кўрсатилган бўлсада, унинг оиласи асоссиз равишда уй-жой билан таъминланмасдан қолиб кетганлигини, бу ҳолат юзасидан бир неча маротаба ҳокимиятга мурожаат қилганлигини, лекин фойдаси бўлмаганлигини, ундан ташқари мазкур хонадонда доимий рўйхатда турмаганлар уй-жой билан таъминланганлигини, лекин у 3 нафар вояга йетмаган фарзандлари билан уй-жойсиз қолиб кетганлигини келтириб ўтди.Фуқаро Н.Равшанов суддан Яккасарой туман хокимияти зиммасига Яккасарой тумани, Нукус кўчаси, 40-уй бузилганлиги муносабати билан уни уй-жой билан таъминлаш мажбуриятини юклашни сўради. Бироқ, аризачининг талаблари қаноатлантириш суд томонидан рад етилди.