Dinamik ma'lumotlar tuzilmalari — bu dastur bajarilishi davomida o‘zgaruvchan hajmga ega bo‘lgan va xotirani zaruratga ko‘ra ajratish va bo‘shatishga asoslangan tuzilmalardir. Ular yordamida foydalanuvchi oldindan aniqlanmagan miqdordagi ma’lumotlarni saqlashi va ularga moslashuvchan ishlov berishi mumkin. Bunday tuzilmalar doimiy o‘zgaruvchan yoki noma’lum hajmdagi ma’lumotlar bilan ishlash zarur bo‘lgan holatlarda qo‘llaniladi. Dinamik ma’lumotlar tuzilmasining ishlash prinsipi ko‘rsatkichlar (pointerlar) yoki havolalar orqali tugunlarni bog‘lashga asoslanadi. Har bir tugun o‘zida nafaqat ma’lumot, balki keyingi tugun manzilini (ba’zida oldingi tugunni ham) saqlaydi.