Elementar zvenolarning har xil fizikaviy tabiatga, ishlash prinsipiga, konstruktiv formaga hamda sxemalarga bo‘linishi mumkin. Bu zvenolarning dinamik xususiyatlarini o‘rganishda, tadqiq qilishda uning chiqishidagi hamda kirishidagi kattaliklarni bog‘lovchi tenglama muhim rol o‘ynaydi. Matematik ifodasi differensial tenglama bilan ifodalanadigan zvenolarga dinamik zveno deyiladi. Dinamik zvenolar inersiyasiz (proporsional, kuchaytiruvchi) zveno, birinchi tartibli inersial (aperiodik) zveno, ideal integrallovchi zveno, ideal differensiallovchi zveno, tebranuvchi zveno, birinchi tartibli tezlatuvchi zveno, ikkinchi tartibli tezlatuvchi zveno kabi turli xil zvenolarni o‘z ichiga oladi. Vaqt hamda chastotali xarateristikalar bu zvenolar uchun aniq bo‘yicha belgilanadi.