Selsinlarning transformator ish rejimida datchik va qabulqilgich rotorlarining holatlari o’rtasidagi mos kelmaslik to’g’risidagi signal ijrochi dvigatelga kuchaytirgich orqali uzatiladi. Transformator rejimida datchikning yetaklovchi o’q bilan mexanik bog’langan qo’zg’atuvchi chulg’ami bir fazali o’zgaruvchan tok tarmog’iga ulanadi, qabulqilgichning qo’zg’atuvchi chulg’ami kuchaytirgichga ulanadi. Kuchaytirgich ikki fazali ijrochi mexanizmning boshqaruvchi chulg’amiga oziqlantiruvchi kuchlanish beradi. Har ikki selьsinlarning sinxronizatsiya chulg’amlari bog’lanish liniyasi orqali o’zaro ulangan bo’ladi.