Jahon iqtisodiyotining globallashuvi sharoitida inflyatsiyaning yuqori bo'lishi yoki keskin tebranishi juda jiddiy muammolarni keltirib chiqarishi mumkin. Inflyatsiya ishlab chiqarishga qoʻshimcha investitsiya kiritish ishtiyoqining tushib ketishiga, milliy valyutadagi jamgʻarmalarning qadrsizlanishiga olib keladi. Inflyatsiya iqtisodiy o’sishni pasaytirib, uzoq muddatga rejalar tuzishga imkon bermaydi. Inflyatsiyaning yuqori bo’lishi istalgan mamalakat iqtisodiyoti uchun nohush hisoblanadi va har qaysi hukumat pul-kredit va fiskal siyosatlari sohasida muhim qarorlar qabul qilib, inflyatsiyani jilovlashga intiladi. Inflyatsiya targetlash, inflyatsiya haqida bildirishsiz oldindan unga qarshi choralar ko’rish imkonini beradi.