Ishlab chiqarish xarajatlari tovar va xizmatlarni ishlab chiqarish va sotish jarayonida sarflanadigan moddiy va pul xarajatlarini o‘z ichiga oladi. Bu xarajatlar korxonaning ishlab chiqarish tannarxini tashkil qiladi va unga moddiy xarajatlar, asosiy kapital amortizasiyasi, mehnatga haq to‘lash, ijtimoiy ehtiyojlar, shuningdek boshqa ishlab chiqarish bilan bog‘liq xarajatlar kiradi. Xarajatlarni kamaytirish va samaradorlikni oshirish korxona faoliyatining muhim qismidir.