Bo’sh gruntlarda poydevorlar qurishda uning tag yuzasi ostidagi bo’sh grunt olib tashlanib, o’rniga o’rtacha yoki yirik donli qum to’ldiriladi. Qum to’shama quyidagi usul bilan to’ldiriladi: 20 sm qalinlikda qum to’shalib, suv sepilgach vibrator yoki mexanizm yordamida shibbalanadi. Bu maqsadda ishlatiladigan qumga organik yoki loy aralashmasi qo’shilmagan va toza bo’lishi kerak. Qum to’shamaning qalinligi va kengligi shunday tanlanishi kerakki, zaminga beriladigan xisobiy qarshilik gruntning shartli qarshiligidan oshib ketmasin hamda to’sham qiyaligi berilgan grunt uchun ko’rsatilgan qiyalikdan tik bo’lmasin.