O'zbekiston Respublikasi Oliy taʼlim, fan va innovatsiyalar vazirligi 2025-yil 16-maydagi yig'ilish bayonida,"Dolzarb 90 kun" loyihasi doirasida yozgi ta`til davrida oliy va kasbiy ta`lim muassasalari, akademik litsey talaba va o'quvchilarining bo'sh vaqtlarini mazmunli tashkil etishga qaratilgan chora-tadbirlar dasturida bir qator vazifalar belgilangan. Ushbu dastur asosida mamlakatimizning turli hududlarida ko'plab maʼrifiy va madaniy tadbirlar bosqichma-bosqich amalga oshirilmoqda. Yosh avlodni intellektual rivojlantirish, ularning tafakkurini boyitish, kitobga, bilimga bo'lgan qiziqishini oshirish – bugungi kun ta'lim siyosatining ustuvor yo'nalishlaridan biridir. Ayniqsa, yozgi ta’til kunlarida talabalar va o'quvchilarning bo'sh vaqtini mazmunli tashkil etish orqali ularning ijtimoiy faolligini oshirish, salohiyatini yuzaga chiqarish katta ahamiyat kasb etadi.