Kun tartibiga qo’yiladigan gigienik talablar asosida o’quvchilar kun tartibini tuzish ko’nikmasini hosil qilish. Bolalar va o’smirlar kun tartibini tuzishda mehnat bilan dam olishning almashinishi, mashg’ulotlar turlarining o’zgarishlarini e’tiborga olish kerak. Tashqi muhitning qulay sharoiti ta’sirida bola va o’smirlar organizmi o’sib, ulg’aya boradi. Kundalik rejimga rioya qilinganda nerv sistemasida shartli reflekslar vujudga keladi, bolalar intizomli va tartibli bo’la boradi. Uy vazifalari bola yoshiga mos bo’lishi kerak. 1- sinf o’quvchilarga 45 minutlik, 2-sinf o’quvchilariga 1-1,5 soatlik, 3,4 - sinflar uchun 2 - 2,5 soatlik, 5-10-sinf o’quvchilari uchun 3 - 3,5 soatlik uy vazifasi berilishi tavsiya etiladi. Uy vazifasini bajarishda yordam berish lozim.