O'rta Osiyo toponimik landshafti nihoyat xilma-xil va murakkab tuzilishga ega. Bunga hudud toponimiyasining turli hududlardagi o'ziga xos tabiiy sharoiti, etnik va til taraqqiyoti tarixi hamda madaniy va ma'naviy xususiyatlari bilan chambarchas bog'liqligi sabab bo'lgan. Bu holat O'rta Osiyo toponimiyasini juda qadimiy davrlarda shakllanganligidan dalolat beradi. Eng muhimi ularning ko'pchiligi tarixiy hujjatlarda qayd qilingan.