Mazkur o’quv-uslubiy qo’llanma Samarqand tamadduni tarixi kafedrasi o’qituvchisi Xasanov Murod G‘aybullayevich tomonidan tuzilgan. Seminar mavzusi: Ilk o’rta asrlarda Samarqand madaniyati. Xitoy yilnomalariga ko‘ra, Cug‘d konfederatsiyasi tarkibiy jihatdan Kan (Samarqand), Mi (Maymurg‘), Shы (Kesh / Shahrisabz), Panch (Panjikent), Nashebo (Naxshab / Qarshi), Sao (Ishtixon), Xe (Kushoniya / Kattaqo‘rg‘on) kabi hukmdorliklardan iborat bo‘lib, ularning har biri tanga zarbi, sulolaviy belgilari, markaziy shahriga ega bo‘lishgan. Ushbu hukmdorliklarning o‘z qo‘shini bo‘lganligi ham ma’lum. Xitoylarning “Tan shu” (“Tan sulolasi tarixi”)da Samarqandni (boshqa nomi Samogyan yoki Limogyan) Yuan-vey dinastiyasi davrida Sivangin deb nomlanganligi keltiriladi.