Mamlakatimizda amalga oshirilayotgan ilmiy, madaniy sohalardagi islohotlar natijasida dunyoga mashhur allomalarimizning ma’naviy merosining va diniy-irfoniy, tasavvufiy ta’limotlarining tadqiqiga alohida e’tibor qaratilmoqda. Temuriylarning yirik vakili jahon ilm-fanida alohida о‘rin tutgan Mirzo Ulug‘bekning hukmronligi davrida jamiyatda tasavvuf ta’limoti alohida ahamiyat kasb etgan. Manbalarda qayd etilishicha, temuriylardan Shohruh Mirzo, Mirzo Ulug‘bek, Abdusaid Mirzoning hukmronligi davrida о‘z davrining mashhur mutasavviflaridan Samarqandda Hasan Attor, Nizomiddan Xomush, Xoja Ahror, Buxoroda Muhammad Porso, Badaxshon va Chag‘oniyonda Yaqub Charxiy temuriy hukmdorlarning ishonchini qozongan maslahatchilaridan bо‘lgan. Mirzo Ulug‘bekning tariqat vakillariga bо‘lgan ehtiromini uning otasi Shohruh Mirzo Hirotdan Samarqandga ayrim sabablar tufayli jо‘natib yuborgan yirik shayx Qosim Anvorga kо‘rsatgan ijobiy munosabatidan bilishimiz mumkin. Mashhur muarrix Mirxondning ta’kidlashicha, Mirzo Ulug‘bek Qosim Anvor Samarqandga kelgach, uning donishmandligi va oliyjanobligini kо‘rib unga murid bо‘lgan va oliy darajada hurmat kо‘rsatib xizmatkorlar bilan ta’minlagan va Shohmalik madrasasiga joylashti