Har bir shahar, viloyat, tuman va qishloq uchun uy-joy tanlashda ularda yashaydigan aholining demografik tarkibini e’tiborga olish katta ahamiyatga ega. Respublikamiz aholisining demografik tarkibi, albatta, boshqa davlatlarnikidan o‘zgachadir. O‘zbekistonda aholining bir yillik o‘sishi 3 % ni tashkil etadi. Boshqa qo‘shni davlatlarga nisbatan bizning respublikamizda ko‘p bolali oilalar soni ancha ko‘proqdir. Bu esa, o‘z navbatida, ko‘p xonali xonadonlarning nisbiy foizini oshirishga olib keladi. Ko‘p bolali oilalar, ayniqsa, qishloq aholisiga mansubdir. Turar joy uyini tanlashda tub aholining qaysi hunarlar bilan mashg‘ul bo‘lishini ham e’tiborga olish ham eng asosiy omillardan biridir. Bundan tashqari, qishloq turar joy binolarining tarkibida yordamchi xonalar, molxona, tovuqxona, qo‘yxona, somonxonalar hamda qishloq xo‘jaligi uchun kerak bo‘lgan asbob-uskunalar saqlaydigan xonalar, qishloq xo‘jaligi mahsulotlarini saqlanadigan omborxonalar bo‘lishi kerak. Ilm-fan va san’at ahllari uchun uyda qo‘shimcha xonalar qurilishi xonadon