Mahsulot tavsifi
Адренергик синапсларни қамалловчи воситалар икки гуруҳга бўлиб ўрганиб чиқилади: адреноблокаторлар (адренорецепторларни қамаллайди) ва симпатолитиклар (симпатик нерв охирларидан норадреналин ажралишини сусайтиради). Адреноблокаторлар турли типдаги адренорецепторларга таъсир этиш йўналишига кўра уч гуруҳга ажратилади: α-, β- ва α, β-адреноблокаторлар. Адреноблокаторларнинг артериал гипертензияда қон босимини пасайтириш (α-, β- ва α, β-адреноблокаторлар), простата безининг яхши сифатли гиперплазиясида пешоб ажралишини яхшилаш (α1- адреноблокаторлар), стенокардияда юрак ишини ҳамда миокарднинг кислородга бўлган эҳтиёжини камайтириш (β1, β2- ва β1- адреноблокаторлар), тахиаритмия ва экстрасистолияларда юрак қисқаришларининг нормал ритмини тиклаш (β1, β2- ва β1- адреноблокаторлар) каби хусусиятлари катта амалий аҳамиятга эга. Симпатолитиклар эса гипертония касаллигини тизимли даволашда қўлланилади.
Muallif
- Hujjatlari
- 11 421
- Sotilgan
- 793
