Кичик ўлчамда қалқонсимон безнинг юзаси зич толали бириктирувчи тўқимали капсула билан қопланган. Капсуладан без паренхимасига бўлакчалараро бириктирувчи тўқимали тўсиқлар (септалар) ўтган, улар безни бўлакчаларга бўлади. Тўсиқ билан бирга қон томирлар ва нерв толалари ўтади, бундан ташқари оролча шаклида ҳужайраларнинг тўпламларини кўриш мумкин. Бўлакчаларда кўп сонли юмалоқ ҳосилалар – фолликуллар яхши кўринади. Фолликул девори бир қаватли кубсимон ҳужайралардан иборат. Фолликул бўшлиғи коллоид билан тўла. Фолликул девори кубсимон ҳужайралардан тўзилган, уларнинг кўпчилиги фолликуляр эндокриноцитлардан иборат. Коллоиднинг эндокриноцитларга яқин жойларида майда вакуолалар кўринади.