Оғриқ қолдирувчи дори воситалар резорбтив таъсир этганда оғриқ сезгиларини танлаб пасайтиради. Улар идрок фаолиятини тўхтатмайди, сезгирликнинг бошқа турларига кам таъсир қилади. Оғриқ қолдирувчи воситалар келиб чиқиши турлича – травмалар, жумладан хирургик операциялар, ички аъзолар, периферик ва марказий нерв системасининг зарарланишларига оид бўлган оғриқларнинг олдини олиш ва бартараф этишда қўлланилади. Оғриқ қолдирувчи дори воситалар марказий ва периферик таъсир этувчи гуруҳларга бўлинади.