Organizmning ichki muhitini qon, limfa va to‘qima suyuqligi tashkil etadi. Qon, to‘qima suyuk va limfa tarkibi va fizik kimyoviy xossalarini uncha o‘zgartirmasdan doimo bir xilda saqlaydi. Bolalarda qonning absalyut miqdori, bolaning o‘sishi va rivojlanishi jarayonida oshib borsa, nisbiy miqdori (1kg og‘irlikka tug‘ri keladigan miqdorda) kamayib boradi. Bolalarning tana vazniga nisbatan qon miqdori chaqaloqlarda 17.7%, 1 yoshli bolada 10.9% ni 6-10 yashar bolada 6.97% ni, 11-16 yoshli bolalarda esa 6.81% ni tashkil etadi. Qon suyuq biriktiruvchi to‘qima bo‘lib, qizil rangli, yopishqoq xira bo‘ladi, reaksiyasi kuchsiz ishqoriy va ta’mi sho’rroq bo‘ladi.