Tish kariesi – tish yorib chiqqandan so’ng yuzaga chiquvchi, turli faktorlar (mahalliy va umumiy) ta’siri bilan shartlangan, bo’shliq ko’rinishidagi defektning hosil bo’lishi bilan qattiq to’qimalarning demineralizatsiyasi va destruksiyasida namoyon bo’luvchi patologik jarayon. Kariyes kasalligi molar tishlarining fissuralarida ko'proq uchraydi. Fissuralar - bu emalning do'mboqchalar orasida joylashgan chuqurliklari. Ular tuzilishiga ko'ra «ochiq» va «yopiq» bo'lishi mumkin. Yopiq fissuraning eng chuqur turi «kolbasimon» fissuralardir.