Tibbiy yordam ko‘rsatishning asosini shifokor va bemor o‘rtasidagi ishonchli munosabatlar tashkil etadi. Shu sababli psixologik nuqtai nazardan bemomi davo choralarini o‘tkazishda hamkor qiluvchi maqbul sharoit yaratish o‘ta muhim hisoblanadi. Afsuski, ayrim shifokorlar bemor tashhisini to‘g‘ri aniqlab va monand tabletka buyurib, hamda to‘g‘ri ko‘rsatmalar berib o‘z vazifamni bajardim deb hisoblaydilar. Lekin davo buyurish hali davolash emas! Hozirgi vaqtda tibbiyot misli ko‘rilmagan yuqori darajadagi tashhisiy asboblar bilan jihozlangan hamda ularsiz aniq xulosalarga kelish murakkab bo‘lsa ham, bemor ehtiyojlari va umidlariga javob beruvchi tibbiy yordam yetakchi o‘rin egallaydi. Tibbiy yordam sifati - kasbiy malaka hamda qobiliyatga bog‘liq bo‘lgan shifokor - bemor munosabatlari jarayonidir.