KIRISH Magistrlik dissertatsiyasi mavzusining asoslanishi va uning dolzarbligi. Magistrlik dissertatsiyasi mavzusining asoslanishi va uning dolzarbligi. Jahonda tarixan qaror topgan va insoniyat sivilizatsiyasi va madaniyatini o‘zida aks ettirgan hamda yog‘och konstruksiyalardan iborat bo‘lgan tarixiy-madaniy ob’ektlarni biologik organizmlarning zararli ta’siridan himoyalash va ularning to‘liq butunligini saqlab qolishga katta e’tibor qaratilmoqda. Bu o‘rinda, ksilofag-hasharotlar alohida ahamiyatga ega bo‘lib, ularning tabiiy va o‘zlashtirilgan muhit sharoitlariga o‘ta ko‘nikuvchanligi, ko‘payish intensivligining yuqoriligi, zaharli kimyoviy moddalarga moslashuvchanligi ularni nafaqat tarixiy-madaniy ob’ektlar, balki aholi maskanlariga bo‘lgan jiddiy ta’sirini ham keltirib chiqarmoqda. tadqiqotning dolzarbligi. Dunyoda inson qo‘li bilan yaratilgan ko‘plab yog`och inshoot va buyumlarga termitlarchalik jiddiy va tartibli ravishda zarar еtkazuvchi biror-bir hasharot yo‘q. Termitlar turar joylar, tarixiy yodgorliklar, sanoat, gidrotexnik va boshqa bino hamda inshootlarning devorlari oraligi, deraza va eshik romlari, shift bostirmalari, tomning qalin tuprogi oraligi va pollar ostida yirik, oziga xos uya qurib, yogoch va boshqa osimlik mahsulotlari bilan faol oziqlanib katta talofat keltiradi. Shuningdek termitlar temir yol shpallari, telegraf simyogochlariga ham jiddiy zarar еtkazadi. Ular yog‘och va o‘simliklardan tashqari qog‘oz, karton, mato, namat, jun va boshqa umuman olganda 70 turdagi materiallar bilan oziqlanadilar.