Mikroorganizmlar organik olamdagi o‘rni kattadir va xilma-xil bo‘lib ba’zilari o‘simlik olamiga ta’alluqli bo‘lsa, ba’zi bir xillari hayvonot va insoniyatga ta’alluqlidir. Mikroorganizmlar atmosferadagi, suvda, tuproqda, yerning chuqur qatlamlarida ham tarqalganligini, ularning butun organik va anorganik dunyo bilan munosabati juda murakkabligini hisobga olinsa uning o‘rni kattaligini bilish mumkin. Bakteriyalar prokariot organizmlar bo‘lib, xlorofillsiz, bir hujayrali tuban, getyerotrof organizmlardir. Viruslar ultramikroskopik, obligat mikroorganizmlar bo‘lib o‘simlik, hayvonlar va boshqa mikroorganizmlarda kasallik qo‘zg‘atadilar. Aktinomisetlarning vegetativ tanasi ingichka, shoxlanuvchan, nursimon tarqaluvchi gifalar bilan ifodalanadi. Zamburug‘lar tuproqdagi turli minyeral va organik moddalarning o‘zgarishida faol qatnashadilar.