Odam tanasini boshqaradigan nerv markazlari Reja: 1.Nerv tizimining umumiy tuzilishi va ahamiyati. 2.Nerv markazlari haqida umumiy tushuncha. 3.Nerv markazlarining inson organizmidagi muhim roli. Markaziy nerv sistemasi tevarak-atrofdagi muhitda va organizmning o’zida ro’y berib turadigan hodisalarni retseptorlar orqali qabul qilib turadi. Asab tizimiga kelgan qo’zg’alish shu yerda qaytadan analiz sintez qilinib, ishchi organlarga harakat impulsi sifatida o’tkazadi. Tirik organizmlardagi har bir organlar sistemasining tarixiy rivojlanishi filogenez deyiladi. Nerv sistemasi filogenezi soddadan murakkabga qarab rivojlanib, taraqqiy etib borgan. Nerv sistemasi filogenezi quyidagi bosqichlarga bo’linadi: Birinchi bosqich to’rsimon yoki diffuz tipidagi nerv sistema.Bu bosqich Bo’shliqichlilar tipi uchun xosdir.Ikkinchi bosqich stvol tipidagi nerv sistema.Yassi chuvalchanglar tipi vakillari xuddi shunday tuzilgan. Uchinchi bosqich zanjir tipidagi nerv sistema. Halqali chuvalchanglar, molluskalar, bo’g’imoyoqlilar tiplari uchun xosdir.