Reaksiyaning borishi uchun ribozonukleotid trifosfatlarning hamma xillari: RNK zatravka, DNK matritsa, RNK-polimeraza, oqsil faktorlar, Mg2+ zarur. RNK polimeraza ishlaganda, matritsa tо‘la boshlang‘ich holda saqlanadi va qaytadan foydalanishi mumkin. Eukariot hujayralarda RNK-polimerazaning (4 ta) tо‘rt xil tipii aniqlangan, ularning 3 tasi – RNK polimerazalar I, II, III – yadroda va bittasi mitoxondriyada joylashgan. RNK polimeraza I yadrochada uchraydi va ribosomal RNK (18 S, 28S, va 5,8S RNK)ning sintezida ishtirok etadi. RNK polimeraza II va III – nukleoplazmada uchraydi. Ribosomal 5S RNK va transport RNK RNK polimeraza III ishtirokida sintezlanadi. mRNK RNK polimeraza II ishtirokida sintezlanadi.