Súwretlew iskerligi metodikasında súwret salıw, ılaydan buyım soģiw metodikası menen bir qatarda applikaciya da tiykargı túrlerden biri sipatında mektepke shekemgi bilimlendiriw mákemesi bagdarlamasına kirgizilgen. Applikaciya shınıǵıwı balalardıń hár tárepleme ósiwinde úlken áhmietke iye. Ol balalardaǵı qıyaldı oyatadı, dóretiwshilikti tuwdıradı, baqlawshılıǵın aktivlestiredi, diqqat hám kóz-qarastı, yerk-ıradın tárbiyalaydı, qol sheberligin rawajlandıradı, formanı seziwdi, gózley alıwdı, reń seziw tuyǵısın rawajlandıradı.