Mashinasozlik, mashinalarni loyixalash va ishlab chiqarish tashkil etadi. Mashinalar o`z navbatida jamiyat turmush farovonligini ko`rsatadi. Ular ish unumdorligini, mehnat samaradorligini va mahsulot sifatini oshiradilar. Mustaqillikning boshlang’ich davridayoq, mamlakatimizda mashinasozlikni rivojlantirishga asosiy e’tibor qaratildi. Ko`plab qo`shma korxonalari mashinasozlik mahsulotlarini ishlab chiqara boshladi. Mashinalarga yuqori aniqlik va tezlik, issiqlikka chidamlilik, kichik vazn va xajm, mustahkamlik va ishonchlilik kabi yuqori talablar qo`yilgan. Bunday talablarni oshib borishi mashinasozlar oldiga murakkab konstruktorlik va texnologik savollarni qisqa vaqt ichida yechish masalasini qo`ymoqda.