Svetatexnika va Elektrotexnologiya K I R I SH Sayyoramizda hamma tirik mavjudotlarning paydo bo‘lishi va hayot kechirishi, asosan optik nurlarning, ya’ni yorug‘likning borligi va uning ta’siri natijasidir. Biz hayotni tabiiy va sun’iy yorug‘liksiz tasavvur eta olmaymiz. Ularning atrof-muhitga ta’siri mohiyati murakkabdir. Er kurrasini biologik hayotining energetik asosini - quyosh nurlanishi tashkil etadi. YEr kurrasida bir yil ichida fotosintez natijasida 100 mlrd. tonna organik moddalar paydo bo‘ladi. Atmosferadan 200 mlrd. tonna karbonad angidrid gazi olinadi va er atmosferasi 145 mlrd. tonna kislorod bilan to‘yinadi. Suv xo‘jaligi ishlab chiqarishining turli xonalaridagi lokal sharoitlarida, inson quyosh nurlarini sun’iy elektr nurlari bilan muvaffaqiyatli almashtirilmoqda. Buning uchun biologiya, fiziologiya, elektrotexnika, ximiya va fizika sohasida ishlovchi juda ko‘p mutaxassis olimlarning mehnati sarf bo‘ldi. Ana shu olimlarning ilmlarini birlashuvidan hozirgi zamon yorug‘lik nazariyasi va texnikasi paydo bo‘ldi. Ko‘p mamlakatlarning ilg‘or tajribalari shuni ko‘rsatmoqdaki, ratsional loyihalash echimiga, energiya tejovchi nurlanish qurilmalariga va kam energiya sarflovchi lampalarga o‘tish 20% elektr energiyasini tejashini ko‘rsatmoqda. Yoritish va nurlatish qurilmalarini to‘g‘ri qo‘llashdan 5...10% ish unumi oshadi. Hozirgi zamon yoritish manbalari etarli darajada rivojlangan. Ularning FIK oshgan, ishlab chiqarilishi takomillashtirilgan, qo‘llanish sohalari kengaygan. Mazkur metodik ko‘rsatma "Elektr yoritish va nurlatish" fanining o‘quv rejasiga mos ravishda yozilgan. Undan talaba mustaqil ravishda foydalangan adabiyotlar va mazkur ko‘rsatmaning ilovalarida keltirilgan ma’lumotlardan foydalanib, suv xo‘jaligining turli xil ob’ektlari uchun yoritish qurilmalarini hisoblash bo‘yicha ishlarni bajaradi. Metodik ko‘rsatma talabalarga “Elektr yoritish va nurlatish” fanidankurs ishini bajarish va nazariy materiallarni o‘zlashtirishda yordam berishi uchun mo‘ljallangan.