•Shimoliy Amerikaning yirik ko‘llari kelib chiqishiga ko‘ra muz-tektonik ko‘llar tipiga mansub bo‘lib, ular Kanada qalqonining g‘arbiy va janubiy chegaralarida joylashgan. Bularga Katta Ayiq, Katta Ko‘l, Atabaska, Vinnipeg va Buyuk ko‘llar guruhi qaraydi. Buyuk ko‘llar tarkibiga Yuqori, Guron, Michigan, Eri, Ontario va bir qator mayda ko‘llar kiradi. Bu ko‘llar bir-birlari bilan tutashib, yagona va ulkan (maydoni 246 000 km2) chuchuk suv havzasini hosil qiladi. Ular orasida eng kattasi Yuqori ko‘l (maydoni 82 100 km2) hisoblanadi.