Ózbekstan nizamları eń áhmiyetli hám turaqlı jámiyetlik qatnasıqlardı tártipke salıw ushın qabil etiledi. Bul baǵdardaǵı qatnasıqlar Ózbekstan Respublikasınıń "Normativlik-huqıqıy hújjetler haqqında"ǵı Nızamı tiykarında tártipke salınǵan bolıp, "Elimizde demokratiyalıq reformalardı jáne de tereńlestiriw hám puqaralıq jámietin rawajlandırıw koncepciyasında" belgilengen tiykarǵı wazıypalardıń orınlanıwı sıpatında 2012-jıl 24-dekabrde usı nızamnıń jańa redakciyası qabıl etildi. Nızamda normativlik huqıqıy aktlerdiń túrleri, olardıń kim tárepinen qabıl etiliwi, bir-biri menen qatnasıqları, huqıqıy ekspertizadan ótkeriw tártibi belgilep qoyılǵan.