Ushbu kurs ishida Arduino mikrokontrolleri, tuproq namlik datchigi va suv nasosidan foydalanib, kichik fermer xo‘jaliklari uchun masofadan boshqariluvchi suv taqsimlash tizimi loyihalandi. Tizim tuproq namligini real vaqt rejimida o‘lchab, suv nasosini avtomatik yoqish/o‘chirish orqali resurslarni tejash va hosildorlikni oshirishga mo‘ljallangan. Loyihada texnik vositalarni tanlash, boshqaruv algoritmini dasturlash, tizimni sinovdan o‘tkazish hamda amaliy qo‘llanilish bo‘yicha tavsiyalar ishlab chiqish bosqichlari amalga oshirildi.