Zamonaviy axborot texnologiyalari rivojlanib borayotgan hozirgi davrda statistik tahlil va uning amaliy qo‘llanilishi barcha sohalarda muhim ahamiyat kasb etmoqda. Iqtisodiyot, ta’lim, tibbiyot, moliya, marketing, ishlab chiqarish, demografiya, qishloq xo‘jaligi kabi ko‘plab yo‘nalishlarda har kuni katta hajmdagi ma’lumotlar yig‘iladi va tahlil qilinadi. Ushbu ma’lumotlarni tezkor, aniq va samarali qayta ishlash, ularni vizual tarzda namoyish qilish va chuqur statistik xulosalar chiqarish jarayoni statistik tahlilning asosiy vazifalaridan biridir.