Bozorda bozor munosabatlari sharoitida iqtisodiy tavakkalchilikni hisobga olish va baholash boshqaruv nazariyasi va amaliyotining muhim tarkibiy qismi sifatida mustaqil nazariy va amaliy ahamiyat kasb etadi. Ma’lumki, tadbirkorlik olamidagi yutuqlar ko„p hollarda tadbirkorlik faoliyatining tanlangan strategiyasini qanchalik darajada to„g„ri va asosli ekanligiga bog„liqdir. Bu holatda iqtisodiy faoliyatning usullarini tanlash erkinligida tavakkalchilik ahamiyatga ega bo‘ladi. Tadbirkorlik faoliyatini tavakkalchiliksiz tasavvur etish iqtisodiy savodsizlikning bir ko’rinishi bo’ladi. Tadbirkorlik kuchaygan tavakkalchilik sohalarini aniqlash, tavakkalchilik darajalarini baholash, tashkilot uchun mos keluvchi tavakkalchilik darajasini taxlil qilish, zarur vaziyatlarda tavakkalchilik darajasini pasaytirish yoki undan himoyalanish tadbirlarini ishlab chiqish, tavakkalchilik hodisasi sodir bo‟lganida undan ko‟rilgan zararni maksimal darajada qoplash bo‟yicha tadbirlar ishlab chiqish kabi asosiy amallarni o‘z ichiga oladi.