Buxgalteriya hisobi har bir xo‘jalik yurituvchi subyektning iqtisodiy faoliyatini samarali boshqarish va nazorat qilish uchun muhim vosita hisoblanadi. Bozor iqtisodiyoti sharoitida korxona va tashkilotlarning moliyaviy barqarorligi va iqtisodiy o‘sishiga erishishda buxgalteriya hisobi usullarining to‘g‘ri tashkil etilishi va qo‘llanilishi hal qiluvchi ahamiyat kasb etadi. Xususan, buxgalteriya hisobi korxonaning moliyaviy ahvolini baholash, aktiv va passivlarni boshqarish, shuningdek, moliyaviy natijalarga ta’sir etuvchi omillarni tahlil qilish imkonini beradi.