Elektron to’lov tizimlari, kriptovalyutalar Rivojlanish tarixi qisqa davrni o‘z ichiga olganligiga qaramasdan, butun dunyoda raqamli iqtisodiyot va raqamli texnologiyalar barcha sohalar kabi, inson hayotiga ham juda tez va jadallik bilan kirib bormoqda. Raqamlashtirish jarayoni aholining barcha qatlami uchun sifatli xizmatlarni taklif etish bilan birga, qulay usulda istalgan vaqtda, istalgan joydan bir necha turdagi xarid jarayonlarini amalga oshirish hamda ko‘rsatilayotgan xizmatlardan samarali foydalanish imkonini beradi. Iqtisodiy sohalarda esa juda ko‘plab qulayliklar yaratilib, minimal darajada xarajat qilgan holda maksimal darajada foyda olish va juda katta samaradorlikka erishish bilan bir qatorda tranzaksiya xarajatlarini kamaytirish imkoniyatlarini bermoqda. Raqamlashtirish jarayoni iqtisodiyotning barcha tarmoqlarida tejamkorlik hamda samaradorlikni ta’minlaydi.