Кичик бизнес ва йирик ишлаб чиқариш ҳамкорлиги – кичик бизнес ва хусусий тадбиркорликни ривожлантиришнинг муҳим йўналишиКичик корхоналар истеъмол товарларининг асосий ҳажмини ишлаб чиқаришга лаёқатли бўлиб, талаб ва таклиф доирасида маҳсулот ишлаб чиқаришни йўлга қўядилар. Бу эса, арзон маҳсулотларни ишлаб чиқаришга ва улар турларини ўзгартириб туришга тез ихтисослаша оладиган кичик ишлаб чиқаришни барқарор ривожланишини таъминлайди. Кичик ишлаб чиқаришнинг ўзига хос бу хусусиятлари йирик саноат ишлаб чиқаришига қараганда афзалликларга эгадир. Ривожланаётган мамлакатлар тажрибаси шуни кўрсатадики, иқтисодий инқироз шароитида, асосан истеъмол товарларини ишлаб чиқарувчи кичик корхоналар йирикларига нисбатан камроқ даражада зиён кўрадилар, ҳатто бозорда ўз мавқеларини мустаҳкамлаб оладилар. Бу хусусият уларнинг иқтисодий ва ижтимоий барқарорликка эришишнинг муҳим омили бўла олади.