Kichik biznes va xususiy tadbirkorlik faoliyatini davlat tomonidan tartibga solish hamda qo‘llab quvvatlashning tashkiliy-huquqiy asoslariDunyo amaliyotida tadbirkorlikni rag‘batlantirish jamiyat va davlat manfaati uchun zaruriy me’yor bo‘lib hisoblanadi. Chunki, tadbirkorlik davlat hokimiyati organlarining doimiy qo‘llab-quvvatlashi va e’tiboriga muhtoj bo‘ladi. shu bilan birga, davlatning vazifasi kichik va o‘rta biznes korxonalariga moliyaviy, texnik va boshqa resurslarni berish va ularni qanday bo‘lmasin qo‘llab-quvvatlashgina emas, balki bozor sharoitida ularning o‘zlarini tutib olishlari va rivojlanishlari uchun huquqiy va iqtisodiy shart-sharoitlarni yaratishdan iborat bo‘ladi.