Kichik biznes va xususiy tadbirkorlik  korxonalari moliyaviy faoliyatini belgilovchi ko‘rsatkichlar tizimiIqtisodiyotni erkinlashtirish  va modernizatsiyalash sharoitida korxona moliyaviy ahvolini baholash alohida ahamiyat kasb etadiki, shu maqsadda ko‘plab ko‘rsatkichlar qo‘llaniladi.Moliyaviy tahlil o‘tkazishning maqsadi korxonani moliyaviy barqarorligini va bu ob’ektga qo‘yiladigan sarmoyaviy ishonchlilik va foydalilikni baholashdir. Shunga ko‘ra, korxonaning moliyaviy ahvolini tahlil etishning ko‘plab usullaridan biri sifatida o‘zaro bog‘liq ko‘rsatkichlar tizimidan foydalanish taklif etiladi. Bu ko‘rsatkichlarning har biri muayyan mazmun kasb etib, korxonaning alohida jihatlarini tavsif etadi. Investitsion loyihani baholash va tanlashda, muhimi, uning moliyaviy baquvvatligi va iqtisodiy samaradorligini ajrata bilish zaruriyatidir. Sarmoya qo‘yishning ob’ekti sifatida korxonaning moliyaviy ahvolini tahlil etish maqsadida uning faoliyatini quyidagi ikki jihati bo‘yicha baholashni o‘tkazish zarur: