Kichik biznes va xususiy tadbirkorlikni rivojlantirishni iqtisodiy rag‘batlantirish yo‘llariZamonaviy moddiy-texnika bilan qurollanish, modernizatsiyalash va uni sotib olish kichik va xususiy korxonalar uchun eng muhim muammolardan biri hisoblanadi. Chunki, ular bozor iqtisodiyoti sharoitida bu masalalarni ulgurji savdo va marketing xizmati orqali mustaqil hal qilishlari lozim bo‘ladi. Shu bilan birgalikda, kooperativlar ish tajribsi shuni ko‘rsatadiki, korxonalar asosiy resurslarga ega bo‘lmasalar (ayniqsa ish faoliyatini boshlash davrlarida), mahsulot ishlab chiqarish va xizmat ko‘rsatishni yo‘lga qo‘yishda o‘z moddiy-texnika tayanch nuqtalarini yaratish uchun xom ashyo va uskunalarni olishda noqonuniy usullardan foydalanishga majbur bo‘ladilar yoki ishlab chiqarishni qisqartiradilar.