Kichik biznes va yirik ishlab chiqarish hamkorligi – kichik biznes va xususiy tadbirkorlikni rivojlantirishning muhim yo‘nalishiKichik korxonalar iste’mol tovarlarining asosiy hajmini ishlab chiqarishga layoqatli bo‘lib, talab va taklif doirasida mahsulot ishlab chiqarishni yo‘lga qo‘yadilar. Bu esa, arzon mahsulotlarni ishlab chiqarishga va ular turlarini o‘zgartirib turishga tez ixtisoslasha oladigan kichik ishlab chiqarishni barqaror rivojlanishini ta’minlaydi. Kichik ishlab chiqarishning o‘ziga xos bu xususiyatlari yirik sanoat ishlab chiqarishiga qaraganda afzalliklarga egadir. Rivojlanayotgan mamlakatlar tajribasi shuni ko‘rsatadiki, iqtisodiy inqiroz sharoitida, asosan iste’mol tovarlarini ishlab chiqaruvchi kichik korxonalar yiriklariga nisbatan kamroq darajada ziyon ko‘radilar, hatto bozorda o‘z mavqelarini mustahkamlab oladilar. Bu xususiyat ularning iqtisodiy va ijtimoiy barqarorlikka erishishning muhim omili bo‘la oladi.