Logistika fanining maqsadi talabalarga logistika tizimini ishlab chiqish, boshqarish va joriy qilish sohasidagi asosiy bilimlarni berishdir. Logistika - ishlab chiqarish jarayonlari, moddiy va nomoddiy harakatlarni rejalashtirish, boshqarish va optimallashtirish fanidir. U korxonalarda xom ashyo, materiallar, yarim tayyor va tayyor mahsulotlarni optimal boshqarish va yetkazib berishni ta'minlashga qaratilgan. Logistika iqtisodiyot, menejment, marketing, amaliy matematika va axborot texnologiyalari bilan chambarchas bog‘liq soha hisoblanadi. Asosiy maqsad - mahsulotni minimal xarajat va optimal shartlarda iste'molchiga yetkazishdir.