Loyiha– bu maqsadli, oldindan ishlangan va rejalashtirilayotgan jismoniy ob’yektlarni ishlab chiqarish yoki modernizatsiya qilish, texnologik jarayonlarni, ular uchun tashkiliy hujjat, moddiy, moliyaviy, mehnat va boshqa resurslar, shuningdek boshqaruv qarorlari va ularni amalga oshirish chora-tadbirlari. Shunday qilib, loyihaning zamonaviy ma’nosi - bu bizning dunyomizni oʻzgartiradigan narsalardir: uy-joy yoki sanoat inshootini qurish, ilmiy tadqiqotlar dasturi, korxonani rekonstruksiya qilish, yangi tashkilot tuzish, yangi uskunalar va texnologiyalarni ishlab chiqish, kema qurilishi, kino yaratish, mintaqani rivojlantirish, - bularning barchasi loyihalar hisoblanadi. "Loyihalarni boshqarish" - maxsus va professional bilimlarni birlashtiradigan sintetik fandir. Maxsus bilim loyihalar (qurilish, innovatsion, ta’lim, atrof-muhit, tadqiqot, qayta qurish va boshqalar) bilan bogʻliq faoliyat sohasining xususiyatlarini aks ettiradi. Biroq, turli loyihalar uchun muvaffaqiyatli qoʻllaniladigan usullar va vositalar yordamida, loyihaning barcha yoʻnalishlari boʻyicha loyihalarga xos boʻlgan umumiy muntazamliklarni oʻrganish natijasida olingan bilimlar tufayli loyihalarni boshqarish haqiqiy mustaqil fanga aylandi. Loyihalarni boshqarish usullari quyidagilarni bajarishga imkon beradi: loyihaning maqsadlarini aniqlab olish va uni oqlash;