Shvetsariyadagi Nestle – jahondagi eng yirik oziq-ovqat mahsulotlari ishlab chiqaruvchi kompaniyalardan biri. 1866-yilda Genri Nestli tomonidan go‘daklar uchun sut aralashmasi sifatida asos solingan. Hozirda sut mahsulotlari, mineral suvlar, alkogolsiz ichimliklar, kofe, bolalar oziq-ovqatlari, konservalar va parhez mahsulotlari bo‘yicha 8000 dan ortiq turdagi mahsulot taklif qiladi; 70 ga yaqin mamlakatda 500 dan ortiq korxonaga ega.