O‘zbekistonda raqobat muhitining shakllanib borishiO‘zbekistonda qabul qilingan iqtisodiy islohotlar strategiyasining mohiyati bozor munosabatlariga o‘tishning bu o‘ziga xos modelida xalqning tarixiy o‘ziga xosligi, xo‘jalik xayoti tarzi, an’analari va qadriyatlarini har tomonlama hisobga olgan holda jahon iqtisodiyoti tajribalaridan unumli foydalanishdan iborat.          Bu modelni amalga oshirishda davlat islohotlarining borishini boshqarishning iqtisodiy va huquqiy vositalarini turli nisbatlarda birgalikda qo‘llaydi. Bir holda, bu vositalar raqobat muhitini shakllantirishni rag‘batlantirish, bozoga kirib kelayotgan va uni o‘z mahsulotlari bilan to‘ldirayotgan yangi tadbirkorlarni ularga biron-bir to‘siq qo‘yishga urinishlardan, g‘irrom raqobat usullaridan himoyalashda qo‘llaniladi. Boshqa hollarda esa, davlatning roli ilmiy-texnika novatorligini qo‘llab-quvvatlash, ixtirochilarning mutlaq huquqlarini patent bilan mustahkamlash, ixtirolardan foydalanishga litsenziya cheklashlari belgilash orqali yangiliklarni ishlab chiqarishga joriy etishni qo‘llab quvvatlashdan iborat bo‘ladi.