Maqolada qo‘shilgan qiymat solig‘i differensial stavkalarining yuzaga kelishi, mohiyati, ijtimoiy-iqtisodiy jihatdan zarurligi ilmiy-nazariy adabiyotlarni sharhlash va xalqaro tajribani tahlil qilish orqali yoritilgan. YUqori stavkali QQS sharoitida soliqqa tortishning ijtimoiy funksiyasi ishlashi uchun birinchi darajali (ijtimoiy xarakterli) tovar va hizmatlarga nisbatan QQSning imtiyozli (pasaytirilgan) stavkasi amal qilishi lozimligi asoslangan. SHundan kelib chiqib, O‘zbekistonda ma’lum bir tovar va hizmat turlariga QQSning imtiyozli stavkalarini belgilash yuzasidan takliflar ishlab chiqilgan.