Qo`shilgan qiymat solig`i tovarlar (ishlar, xizmatlar)ni ishlab chiqarish, import qilish va sotish jarayonida yaratilgan qo`shilgan qiymatning bir qismini davlat byudjetiga o`tkazish vositasidir. U tovarlar (ishlar, xizmatlar)ni ishlab chiqarishdan tortib, pirovard iste’molchigacha yetkazib berish jarayonlarida har bir sotish hujjatidan hisoblab olinadigan ko`p pog`onali soliqdir. Qo`shilgan qiymat solig`i tovarlar (xizmatlar, ishlar)ning narxi tarkibida bo`ladi va ularning xaridorlari (iste’molchilari) tomonidan to`lanadi.