Bolalar va o‘smirlar sport maktablari yosh avlodni jismonan sog‘lom, irodali, intizomli va ma’naviy barkamol qilib tarbiyalashda muhim o‘rin tutadi. Bunday sport maktablarida bolalar va o‘smirlarning bo‘sh vaqtlarini mazmunli tashkil etish, ularni sportga qiziqtirish hamda muntazam jismoniy mashg‘ulotlar bilan shug‘ullanishiga sharoit yaratish asosiy vazifalardan biridir. Sport mashg‘ulotlari orqali yoshlarning jismoniy sifatlari, jumladan, kuch, tezkorlik, chidamlilik, chaqqonlik va egiluvchanligi rivojlantiriladi.