Кимёвий модда тоза бўлса, ўзига хос хусусиятларни номоён қилади. Унинг таркибига жуда оз миқдорода бўлса ҳам (~10-5%) бегона моддаларнинг ёки элементларнинг аралашган ҳолда «ифлосланган» бўлиши модда хусусиятларини кескин ўзгартириб юбориши мумкин. Шунинг учун ҳозирги вақтда элементларнинг таркибига аралашиб қолган миқро миқдордаги бегона моддаларни аниқлашга тўғри келади. Кимёвий методлар бунчалик кичик миқдорда бўлган элементларни ёки моддаларни аниқлаш имкониятига эга эмас. Бу вазифани фақфатгина физик-кимёвий методлар ёрдамида бажариш мумкин. Физик-кимёвий методлар тез бажарилади, бу эса ўз вақтида технологик жараённи назорат қилиш учун катта ахамиятга эга. Физик-кимёвий методлар бир неча афзалликларга эга: 1. Анализни узоқ масофадан туриб бошқариш. Масалан, рентген-флуоресцент метод билан ойдаги тупроқни анализ қилиш бунга яққол мисол бўла олади. 2.Бу методларда ишлатиладиган асбоблар жараённи системалаштиришга имкон беради. 3.Намунани бузмасдан туриб анализ қилиш криминалистика ва медицинада катта аҳамиятга эга. 4.Анализ жараёнининг экспреслиги (таҳлил ўтказиш вақтининг қисқалиги);